Advertisement

Advertisement

Shop

Shop

Mixer

Mixer

Monday, 23 February 2015

FENESI NI TUNDA LILILOSHEHENI TIBA YA MAGONJWA MBALIMBALI




Fenesi ni miongoni mwa matunda ya msimu yenye umbo la pekee na ladha tamu ya aina yake. 

Tunda hili linaingia kwenye orodha ya matunda ambayo yanatajwa kuwa na faida nyingi kiafya katika mwili wa mwanadamu. 
Kula gramu 100 tu ya fenesi huweza kuupatia mwili nguvu ya kalori 95, na tunda hili lina nyama laini iliyojaa sukari aina ya fructose na sacrose inayoweza kuupatia mwili nguvu.

Aidha, fenesi limejaa ufumweli au fibre, sifa inayosaidia kulainisha choo. Vile vile tunda hili lina virutubisho kadha wa kadha vyenye faida kubwa mwilini. Baadhi ya virutubisho hivyo ni vitamini A, C, B complex, vitamin B6, folic acid, niacin, riboflavin na madini za aina mbalimbali kama vile potassium, magenesium, manganese na chuma.  Katika tunda la fenesi kuna protini, mafuta, wanga na antioxidants.

Mbali na hayo, fenesi pia linatajwa kuwa chanzo kizuri cha nishati kisichokuwa na mafuta. Si hayo tu, bali pia kwa kuwa na virutubisho vyenye uwezo wa kuondosha sumu mwilini, tunda hilo linaweza kuukinga mwili dhidi ya saratani na magonjwa mengine na pia kuongeza uwezo wa kuona. Kiasi kikubwa cha madini ya potassium kinachopatikana katika fenesi hulifanya tunda hili liwe na uwezo pia wa kuimarisha mifupa na afya ya ngozi.

Wataalamu wa afya wanasema fenesi huongeza ufanisi wa mfumo wa kinga mwilini na kusaidia kuongeza kinga dhidi ya kifua, mafua na kikohozi. Hii ni kwa sababu ya kuwa na vitamini za aina mbalimbali. Faida nyingine ni kurekebisha msukumo wa damu na pia husaidia kurahisisha mmeng'enyo wa chakula tumboni pamoja na kuukinga mwili dhidi ya magonjwa ya moyo na kupooza.

Hali kadhalika, tunda hili lina uwezo wa kuukinga mwili dhidi ya ugonjwa wa pumu na kupunguza makali ya ugonjwa huo. Si hivyo tu, bali fenesi lina vitamini muhimu zinazohitajika kwa ajili ya utengenezaji wa damu mwilini.  

No comments:

Post a Comment