Advertisement

Advertisement

Shop

Shop

Mixer

Mixer

Thursday, 12 March 2015

PATA NAFASI YA KUFAHAMU VYAKULA HIVI MUHIMU KWA AFYA YAKO



Moja ya njia nzuri ya kuishi vizuri kwa afya ni pamoja na hii ya kula chakula bora na sahihi na kuzingatia kufanya mazoezi.


Leo tutagusia baadhi ya vyakula ambavyo vimekuwa vikitajwa kuwa ni vyakula bora, na vyenye faida nyingi kwa mlaji.

Miongoni mwa vyakula hivyo ni pamoja na samaki, ambapo huwa na virutubisho aina ya Omega 3 ambavyo husaidia katika kuulinda moyo dhidi ya maradhi.

Aidha, samaki pia wanasifika kwa kuwa na virutubisho ambavyo humuongezea mlaji uwezo wa kukumbuka pamoja na virutubisho vyenye uwezo wa kupambana na saratani mwilini.

Hali kadhalika, ulaji wa samaki pia husaidia kuongeza kinga mwilini na kuondoa mafuta mabaya mwilini, hivyo unashauriwa kula samaki kwa wingi kadiri uwezavyo.

Unapotumia samaki husaidia kumpatia mlaji virutubisho mbalimbali ikiwa ni pamoja na protini, vitamini B3, vitamin D, vitamini B6,  Omega 3 Fatty Acids. nk
Karanga

Karanga ni moja ya chakula chenye faida pia mwilini, miongoni mwa faida zake ni pamoja na kuimarisha afya ya moyo, kupunguza kolestro mbaya mwilini na kuongeza kolestro nzuri.

Unaweza kupata faida za karanga kwa kutumia karanga zenyewe au siagi yake iliyotengenezwa kutokana na karanga. Unapopata karanga za kuchemshwa huwa nzuri zaidi.

Soya

Maharage ya soya yana faida nyingi mwilini, ikiwemo , kuimarisha sukari mwilini, kushusha shinikizo la damu kupambana na ugonjwa wa kisukari, figo, moyo, kutoa kinga dhidi ya ugonjwa wa saratani ya kibofu na magonjwa mengine ya wanawake.
Karoti

Karoti pia imekuwa ikitajwa kuwa na faida mbalimbali ikiwa ni pamoja na kushusha kolestro mbaya mwilini, kuimarisha nuru ya macho, kuimarisha shinikizo la damu, inatoa kinga kwenye figo na inaimarisha sukari mwilini. 
Matunda mbalimbali

Matunda ni muhimu sana kwa afya yako na miongoni mwa matunda muhimu mwilini ni pamoja na papai na tikitimaji ambayo yanaelezwa kuwa na kiwango kikubwa cha kamba lishe (fibre) na hivyo kutoa mchango mkubwa sana mwilini.

Endapo unatatizo lolote la kiafya unaweza kuwasiliana na Dk Mandai kwa simu namba, 0652 163 838, 0752 163 838, 0682 3682 442, Barua pepe ni dkmandaitz@gmail.com. Pia unaweza kufika Mandai Herbal Clinic iliyopo Ukonga, Mongolandege jijini Dar es Salaam.

No comments:

Post a Comment