Advertisement

Advertisement

Shop

Shop

Mixer

Mixer

Thursday, 30 April 2015

MWANAFUNZI APIGWA NGUMI, MATEKE NA BABA YAKE HADI AKAFARIKI, KISA ALIKUTWA NA BARUA YA MAPENZI




Mwanafunzi mmoja wa kidato cha Pili, Jofrey Robert Mwakatenya (15) anaelezwa kuuawa kikatili na baba yake mzazi, Robert Mwakatenya (35) baada ya kumkuta akiwa na barua ya mapenzi, inayodaiwa aliandikiwa na rafiki yake wa kike.


Mzazi huyo ambaye ni mfanyabiashara na mkazi wa eneo la Majengo ‘D’ Manispaa ya Sumbawanga, anadaiwa kumwadhibu mwanafunzi huyo, ambaye ni mtoto wake wa kwanza kwa kumpiga ngumi na mateke mfululizo kwa zaidi ya saa tatu.

Akizungumza na mwandishi wa habari hizi, Mwenyekiti wa Serikali Majengo D, Antony Nyambo alidai kuwa mzazi huyo alikuwa na tabia ya kumwadhibu mwanawe huyo, huku akimtuhumu kuwa ni mtoro wa shule .

“Nilitaarifiwa juu ya kisa hiki Jumapili saa mbili asubuhi baada ya kutoka katika ibada na raia mwema, ndipo niliamua kufika nyumbani kwa marehemu, nilimkuta akiwa amelazwa chumbani, nilipomfunua niliona akiwa ametapakaa vumbi mwili mzima huku akiwa amevaa nguo ya ndani tu,” alidai mwenyekiti huyo wa mtaa.

Inadaiwa kuwa usiku huo wa tukio, baba wa marehemu alianza kumwadhibu kwa kumpiga ngumi na mateke kuanzia saa mbili usiku hadi usiku wa manane.

Mtoto huyo baada ya kupata kipigo hicho, alizimia ambapo baba yake alimmwagia maji mwilini hadi akazinduka, kisha akamwamuru alale chumbani humo pamoja na mdogo wake.

Asubuhi yake mzazi wa mtoto huyo alidamka alfajiri na kwenda kwenye chumba walicholala watoto hao na kugundua kuwa Jofrey alikuwa mfu.

“Ndipo baba huyo alipoaga nyumbani hapo, akidai kuwa anaenda kutafuta gari ili Jofrey aweze kupelekwa hospitalini kwa matibabu. Mzazi huyo hakurudi tena nyumbani kwake hadi sasa,” alibainisha.

Kamanda wa Polisi Mkoa wa Rukwa, Jacob Mwaruanda alithibitisha kutokea kwa tukio hilo, lilitokea usiku wa kuamkia Jumapili iliyopita na kusema  bado wanamtafuta mtuhumiwa huyo kwani baada ya kufanya kitendo hicho alitokomea

 Chanzo: Habari Leo

No comments:

Post a Comment