Advertisement

Advertisement

Shop

Shop

Mixer

Mixer

Saturday, 18 June 2016

Fahamu faida 6 zinazo patikana kwenye chungwa



Ukiamua kuzungumzia matunda yenye faida ndani ya mwili wa binadamu basi ni lazima utalitaja chungwa kwani lina faida muhimu ikiwemo kujenga kinga imara za mwili.

Licha kwamba baadhi ya watu hulitumia tunda hili kama kiburudisho tu bila kujua faida zake mwilini, lakini leo napenda uzifahamu hizi faida  6 unazoweza kuzipata unapokula chungwa iwe chungwa lenyewe au juisi yake halisi.

1. UKOSEFU WA CHOO
Kutokana kuwa na kiwango kikubwa cha kirutubisho aina ya kambalishe ‘fibre’, chungwa husaidia usagaji wa chakula tumboni na hutoa ahueni kwa mtu mwenye matatizo ya ukosefu wa choo.

2.HUPUNGUZA HATARI YA MAGONJWA YA MOYO
Kiwango kikubwa cha Vitamin C na virutubisho vya ‘flavonoids’, ‘phytonutrients’ vilivyomo kwenye chungwa, huondoa kwa mlaji hatari ya kupatwa na magonjwa ya moyo ‘Cardiovascular disease’


3. MIFUPA NA MENO
Chungwa lina kiasi kingi cha madini ya ‘calcium’ ambayo ni muhimu kwa kuimarishaji afya ya meno.

4. AFYA YA NGOZI
‘Anti oxidants’ iliyomo kwenye chungwa, hutoa kinga kwenye ngozi ili isiharibike au kushambuliwa na magonjwa ya ngozi yanayoweza kujitokeza kutokana na mabadiliko ya hali ya hewa. Pia huifanya ngozi ‘isizeeke’.

5. KINGA YA MWILI
Vitamin C iliyomo kwenye chungwa huimarisha uzalishaji wa seli nyeupe ambazo ni muhimu kwa uimarishaji wa kinga ya mwili. Unapokuwa na kinga imara, huwezi kusumbuliwa na magonjwa mara kwa mara, ikiwa ni pamoja na malaria.

6. UGONJWA WA MAFUA
Kutokana na wingi wa virutubisho vya kinga vilivyomo kwenye chungwa, ulaji wake mara kwa mara utakuepusha na magonjwa ya kuambukiza mathalani  mafua ambayo  yanawasumbua watu wengi.

Hayo ni machache kuhusu faida za chungwa, lakini kama utapenda kufahamu mengi zaidi usisite kuwasiliana na Tabibu Abdallah Mandai kwa simu namba 0716 300 200, 0769 400 800, 0784 300 300.Barua pepe, dkmandaitz@gmail.com


No comments:

Post a Comment