Advertisement

Advertisement

Shop

Shop

Mixer

Mixer

Sunday, 28 August 2016

Njia 4 zitakazokusaidia dhidi ya tatizo la kukosa choo


Tatizo la kukosa choo ni moja ya matatizo ambalo huweza kumkuta mtu yoyote katika maisha yake bila kujali umri.

Hili ni miongoni mwa matatizo ambayo huweza pia kukufanya kukosa raha kwani hata pale unapopata choo huambatana na maumivu makali wakati wa zoezi hilo.

Kuna sababu mbalimbali ambazo huweza kuchangia tatizo hili miongoni mwa sababu hizo ni pamoja na kukosa vyakula vyenye nyuzinyuzi za kutosha yaani 'fiber' lakini pia hata kutokunywa maji ya kutosha nayo huchangia tatizo hili.

Kingine ambacho pia huweza kuchangia tatizo hili na watu wengi hawakifahamu ni pamoja kutofanya mazoezi ya mwili au kusongwa na msongo wa mawazo.

Miongoni mwa vitu unavyoweza kutumia ili kupunguza tatizo hili ni pamoja na hivi vifuatavyo;-

Mafuta ya samaki ambayo yamesheheni kirutubisho cha omega 3 ambayo husaidia kurekebisha umeng'enyaji wa chakula ndani ya mwili.

Mafuta ya mzaituni nayo yanaweza kuwa moja ya njia ya kupunguza tatizo hili la kukosa choo. Maafuta haya huenda kuamsha mfumo wa umeng'enyaji chakula tumboni na hivyo kusaidia kuepuka tatizo hilo.

Juisi ya limao nayo huweza kutumika kwa kupunguza tatizo hili, juisu ya limao husaidia kusafisha sumu kwenye utumbo mpana na hivyo kupunguza uwezekano wa tatizo hilo. Ni vizuri juisi hii ikachanganywa na maji ya uvuguvugu kwa matokeo mazuri zaidi.

Kufanya mazoezi pia ni muhimu ili kupunguza uwezekano wa kukumbwa na tatizo hili.

Ushauri huu umetolewa chini ya Shirika lisilokuwa la Kiserikali la The Work Up Tanzania (WUTA) ambalo linadhamira ya dhati ya kupambana na umasikini, ujinga na maradhi kwa kuhamasisha matumizi ya lishe bora. Unaweza kuwasiliana nasi kwa simu namba 0716 300 200/ 0784 300 300/ 0769 400 800 au Barua pepe dkmandaitz@gmail.com ili kupata ushauri zaidi. Pia unaweza kufika ofisini kwetu Ukonga Mongolandege jijini Dar es Salaam kwa ushauri zaidi.

No comments:

Post a Comment