Advertisement

Advertisement

Shop

Shop

Mixer

Mixer

Tuesday, 1 November 2016

Hizi ndio sababu zinazoweza kuchangia mwanamke kutoshika ujauzito

Tatizo la baadhi ya wanawake kushindwa kushika ujauzito kirahisi ni moja ya changamoto ambayo wataalam wa afya wanaeleza kuwa huweza kuchangiwa na sababu mbalimbali ikiwa ni pamoja na tatizo la uvimbe kwenye mfuko wa kizazi wa mwanamke ambalo hujulikana kama 'fibroid.' Uvimbe huu hutokea kwenye misuli laini ya mfuko wa uzazi.

Tatizo hili linawakuta wanawake wengi hasa walio katika umri wa miaka ya uzazi, kimsingi tatizo hili limekuwa likishuhudiwa na watu wengi pengine kutokana na watu wanavyoishi.

Zipo baadhi ya dalili ambazo huainishwa na wataalam wa afya kuhusu tatizo hili dalili hizo ni pamoja na kuhisi maumivu ya kiuno hasa wakati wa hedhi, kupata maumivu makali ya tumbo na kuhisi maumivu wakati wa tendo la ndoa.

Dalili nyingine ni kutokwa damu isiyo ya kawaida wakati wa hedhi na zisizokuwa na mpango, kuhisi maumivu ya mgongo na kupata haja ndogo mara kwa mara kutokana na uvimbe kukandamiza kibofu cha mkojo.

Mbali na dalili hizo pia dalili nyingine ni pamoja na kutotunga mimba au mimba kuharibika na kutoka, na wakati mwingine ugumba.

Aidha, wataalm wanaeleza kuwa wanawake wengi wana 'fibroids' ndogo ndogo lakini kwa sababu hazina dalili ni ngumu kufahamu. Kwa mantiki hiyo tunashauriwa kuwa na mazoea ya kufanya uchunguzi wa afya zetu mara kwa mara ili kuweza kushughulikia haraka matatizo kama haya.

Moja ya matatizo ambayo huleta huzuni na uchungu ndani ya familia ni pamoja na hili swala la familia kushindwa kubahatika kupata mtoto au watoto.

Hali hiyo hupelekea huzuni ndani ya nyumba, chuki, lawama, kejeli na kushutumiana na kusababisha hata talaka pia kati ya wanandoa

Lakini leo nimeona nianze kuzungumzia hili tatizo la kuziba kwa mirija ya uzazi jambo ambalo mwishowe hupelekea ugumu wa mama kushika ujauzito.

Matatizo ya kuziba mirija hutokea pale mwanamke anapopata maambukizi ya mara kwa mara ukeni yanayoambatana na muwasho kutokwa na uchafu na usaha ukeni, maumivu wakati wa tendo la ndoa na kutokwa na damu wakati wa tendo la ndoa.

Maambukizi hayo huwa na nafasi kubwa ya kusababisha mirija kuziba na ikiwa nje ya mirija husababisha mirija kujikunja.

Maambukizi haya yasipotibiwa kikamilifu huenea hadi katika mfuko wa uzazi na kushambulia tabaka la ndani la kizazi na kusababisha tatizo liitwalo ‘Endometriosis’ ambapo mwanamke hulalamika maumivu ya chini ya tumbo au chini ya kitovu mara kwa mara, kutokwa na uchafu ukeni na dalili nyingine zenye kufanana na hizo.

Dalili ambazo huashiria mwanamke tayari amepatwa na tatizo hili la mirija kuziba ni pamoja na mwanamke kutafuta ujauzito kipindi kirefu bila mafanikio.

Pia mwanamke mwenye shida hii mara nyingi huwa na kawaidia ya kupatwa na maumivu chini ya tumbo kwa muda mrefu.

Dalili nyingine ni kuharibika kwa mimba mara kwa mara au kuzaa mtoto mmoja kisha unapotafuta mwingine huwa inakuwa ni kazi ngumu kumpata tena.

Kwa sasa naomba niishie hapa, lakini kama utakuwa na swali au unasumbuliwa na tatizo hili wewe mwenyewe au ndugu yako ama rafiki yako basi wasiliana nasi kwa simu namba 0716 300 200, 0784 300 300, 0769 400 800 au barua pepe dkmandaitz@gmail.com na utapata ufumbuzi wa tatizo lako.

Kumbuka kuwa, ushauri huu umetolewa chini ya Shirika lisilokuwa la Kiserikali la The Work Up Tanzania (WUTA) ambalo linadhamira ya dhati ya kupambana na umasikini, ujinga na maradhi kwa kuhamasisha jamii kuhusu matumizi ya lishe bora zitokanazo na mimea na matunda. Pia unaweza kufika ofisini kwetu Ukonga Mongolandege jijini Dar es Salaam kwa ushauri zaidi.

No comments:

Post a Comment