Advertisement

Advertisement

.

.

Mixer

Mixer

Friday, 23 February 2018

Zingatia mambo haya manane unapokabiliwa na tatizo la kuhara


Mtaalamu wa tiba, lishe na virutubisho, Abdallah Mandai akiwa ameshika mmea maarufu kwa jina la gole ambao unatibu maradhi mbalimbali ikiwemo kuhara na kidonda kibichi. Inashauriwa mtu asiutumie mmea huu bila kupata maelekezo kutoka kwa mtaalam kwa sababu za kitabibu.


KUHARA ni kujisaidia kinyesi chenye maji maji mara kwa mara. Tatizo hilo linatokea baada ya utumbo mdogo kushindwa kuhifadhi kiasi kikubwa cha maji katika mwili wa binadamu.


Baadhi ya sababu zinazoweza kusababisha mtu kuharisha ni kula kupita kiasi, kula mchanganyiko wa vyakula vingi, woga, wasiwasi, haraka, kuchacha chakula ndani ya tumbo, kula chakula kisichofaa (sumu bacteria, virusi, vijidudu) au vimelea ndani ya chakula.

Utumbo mdogo una uwezo wa kupokea zaidi ya lita nane za maji kwa siku kutoka kwenye vyakula au vinywaji vinavyopitia mdomoni na maji mengine kutoka sehemu mbalimbali za mwili.

Inapotokea kunakuwa na maji mengi zaidi katika utumbo mdogo yanashindwa kutoka mwilini kwa njia ya kawaida kama kupitia mkojo na jasho, basi maji hayo hutelemka katika utumbo mkubwa ambao hauna uwezo wa kuyatunza.

Wingi huo wa maji ndiyo unaopelekea mtu kuanza kuhara. Tatizo hilo linaweza kutibiwa kwa mimea na matunda tunavyovitumia kila siku ambavyo ni mkaa/majivu, embe bichi, mbegu ya embe, mizizi ya mpera, bizari, karela asali/nazi, mung’unya na ukoko wa wali.

Mkaa au majivu

Unaweza kutumia mkaa wowote, ila mkaa wa makaratasi, kifuu cha nazi, mkuyu, na msonobari unafaa zaidi. Chukua kijiko kimoja cha unga laini wa mkaa, weka katika glasi moja ya maji moto, koroga vizuri na kunywa baada ya maji kuwa vugu vugu. Kunywa mara tatu kwa siku muda wa siku tatu.

Embe bichi

Tumia embi bichi lilichanganywa na pilipili manga na asali, usile zaidi ya embe mbili kwa siku, endelea na tiba hii kwa muda wa siku tatu.

Mbegu za embe

Chukua nusu kijiko cha chai cha mbegu zilizokaushwa katika kivuli, weka ndani ya nusu glasi ya maji, ongeza kijiko kimoja cha mezani cha asali koroga vizuri na kunywa, tumia dawa hii mara tatu kwa siku tatu.

Mizizi ya mpera


Kausha magamba ya mizizi ya mpera, saga ili kupata unga laini, chukua kijiko kimoja cha chai cha unga huo, ongeza kingine cha mezani chenye asali koroga vizuri na kunywa. Tumia dawa hii mara tatu kwa siku kwa muda wa siku tatu.

Bizari

Chukua kijiko cha chai cha bizari mbichi iliyopondwa au unga wa bizari iliyokaushwa na kusagwa. Changanya katika glasi moja ya maji au maziwa kunywaji. Tumia dawa hii mara mbili kwa siku kwa muda wa siku tatu.

Karela (asali, nazi)

Tengeneza juisi ya karela mbili, ongeza kijiko kimoja cha asali, changanya na maji ya dafu moja dogo, kunywa yote mara moja. Tumia dawa hii mara tatu kwa siku muda wa siku tatu.


Mung’unya

Tengeneza juisi ya mung’unya, ongeza chumvi kiasi cha kuifanya isikike unapoionja, kunywa glasi moja asubuhi na nyingine jioni kwa muda wa siku tatu.

Ukoko wa wali na maziwa

Kausha ukoko wa wali ulioungua na saga ili kupata unga laini. Hii ni tiba ya mtoto anayeharisha, chukua kijiko kimoja cha unga katika glasi moja ya maziwa, mpe robo glasi ya mchanganyiko huo kila baada ya nusu saa.

Mchanganuo huu umeletwa kwako na Mtaalamu wa Tiba, Lishe na Virutubisho, Abdallah Mandai.

Yeyote anayesumbuliwa na tatizo la kiafya na ushauri, karibu makao yetu makuu, Ukonga Mongolandege, Dar es Salaam au awasiliane na Mtaalam wetu kwa ushauri na kujipatia virutubisho mbalimbali vinavyoukinga mwili dhidi ya magonjwa.

Mtaalamu Mandai anapatikana kwa simu +255745900600 au barua pepe dkmandaitz@gmail.com.


No comments:

Post a Comment