Advertisement

Advertisement

.

.

Mixer

Mixer

Thursday, 29 March 2018

Nape ataka Bunge lifute, kurekebisha sheria kandamizi


Nape Nnauye 


MWENYEKITI wa Kamati ya Kudumu ya Bunge ya Maliasili na Utalii, Nape Nnauye amesema anatamani bunge lisiwe la kutunga sheria tu bali pia lifute sheria za ovyo au kuzirekebisha.

Pia ameiagiza Wizara ya Maliasili na Utalii kufanya uchambuzi wa sheria zake na kuangalia namna ya kuondoa zile kandamizi katika sekta ya utalii ili taifa linufaike na rasilimali zilizopo katika sekta hiyo.

Akizungumza katika kikao cha kamati hiyo Mjini Dodoma jana Jumatano Machi 28, Nape amesema zipo sheria ambazo ni kandamizi hivyo wizara inapaswa kuzichambua na kupeleka bungeni ili ziondolewe au zifanyiwe marekebisho.

“Fanyeni uchambuzi wa sheria kandamizi, mi natamani bunge lisiwe la kutunga Sheria tu,  bali pia lifute zile ovyo au kuzirekebisha,” amesema Nape.

Aidha, ameitaka wizara hiyo kuongeza vigezo vya kupima madhara ya Kodi ya Ongezeko la Thamani (Vat), katika sekta ya utalii lakini pia kutoa taarifa ya uchambuzi wa kodi mbali mbali katika wizara hiyo.

“Naomba tusijipe muda mrefu wa kupima madhara ya Vat, wenzetu Kenya wameshafuta hiyo, sasa hadi wamefuta wao si wajinga,” ameeleza.

No comments:

Post a Comment