Advertisement

Advertisement

.

.

Mixer

Mixer

Tuesday, 6 March 2018

Ndoa za utotoni zapungua duniani


Elimu kwa wasichana inapunguza mimba za utotoni


SHIRIKA la Umoja wa mataifa linaloshughulikia masuala ya watoto,Unicef limesema kuna mafanikio makubwa ya kupungua kwa ndoa za utotoni duniani.

Shirika hilo la Unicef limekadiria kuwa ndoa za utotoni zipatazo milioni 25 zimeweza kuzuiliwa katika muongo uliyopita.
Kwa sasa ni msichana mmoja kati ya watano anaolewa umri wa chini ya miaka 18 tofauti na miongo iliyopita ambapo ilikuwa msichana mmoja anaolewa kati ya wanne.
Shirika hilo la watoto limesema Kusini mwa nchi za bara la Asia wamejitahidi zaidi katika kupunguza ndoa za utotoni.
Anju Malhotra, mshauri wa masuala ya jinsia kutoka Unicef anasema haya ni mabadiliko mazuri katika maisha ya wasichana wote duniani hivyo upunguaji wa vitendo hivyo hata kwa kiwango kidogo ni habari njema ingawa bado kuna safari ndefu ya kutokomeza ndoa hizo za utotoni.
Ripoti hiyo imeeleza kuwa nguvu kubwa ya kutokomeza tatizo la ndoa za utotoni ilihamia Afrika ambapo jitihada zaidi zilihitajika ili kupunguza tatizo hilo.
Kwa sasa ripoti inaelezwa kuwa ndoa moja ya utotoni inafungwa kati ya ndoa tatu katika nchi za kusini mwa jangwa la Sahara wakati miongo iliyopita ilikuwa ndoa ya utotoni moja kati ya ndoa tano za utotoni.
Hata hivyo, jitihada za matokeo ya mabadiliko haya ni kutokana na kampeni nyingi zilizofanywa duniani ingawa bado changamoto zipo ili kufikia lengo hilo.
Uhamasisho zaidi unahitajika nchini
Hivi karibuni shirika la kiraia la Equity Now lilifanya utafiti hapa nchini ambapo bado sheria ya ndoa haijaweka wazi kuhusu la suala la kutetea ndoa za utotoni.
Shirika hilo lilifanya utafiti mkoani Kilimanjaro na kubaini kuwa tatizo kubwa linatokana na watoto kushindwa kulindwa na jamiii kwa ujumla na vilevile wahusika wakuu wa ndoa hizo za utotoni ni jamaa wa karibu na ndugu katika familia.
Florence Machio mhamasishaji wa haki za watoto kutoka Equity now anasema yeye alifanya utafiti huo kwa kufanya mazungumzo na watoto wenye umri kati ya 11 na 18 kutoka shule mbalimbali na lengo lilikuwa ni kuondoa fikra ya mila na desturi za kiafrika ambazo watoto wenyewe hawapewi nafasi ya kueleza matatizo yao wakati wao ndio walengwa.
Florence anasema maswali mengi waliuliza kwa kuandika na inaonekana kuwa hawana uelewa mkubwa kuhusu matatizo wanayokumbana nayo na namna ya kutafutia suluhisho.
Kwa mfano kuna mtoto aliuliza je ,kama wazazi wangu wamenilazimisha kuolewa nikienda kutoa taarifa polisi na yeye ataenda wapi na hatima ya maisha yake yatakuwaje?
Anasema mara nyingi watunga sera au wanaopigania haki za watoto hawawaulizi watoto wanasemaje kuhusu changamoto zinazowakabili.
Nichodemas Shauri kutoka mtandao wa elimu nchini anasema taarifa ni tatizo na miongoni mwa masuala muhimu ambayo ni jukumu la walimu kuwafundisha masuala ya kijamii na stadi za maisha ili watoto waweze kukabiliana na changamoto wanazokutana nazo za mimba za utotoni.
Watoto wana imani kubwa kutoka kwa walimu zaidi ya wazazi wao hivyo kuna umuhimu kwa mfumo wa elimu kuweka jitihada zaidi hata katika mafunzo ya walimu ili kuwawezesha watoto kuwa na uelewa kwa kuwa waathirika wakubwa ni watoto wa kike ambao sio wao wa kulaumiwa ila mfumo mzima unaleta athari katika kulinda usalama wa ukuaji wao.
Aidha, viongozi duniani wamejizatiti katika malengo ya maendeleo endelevu ya umoja wa mataifa kutokomeza ndoa za utotoni ifikapo mwaka 2030.
Chanzo: BBC



No comments:

Post a Comment