Rufani 12 zasikilizwa Dodoma

      Eddie Fussi

Mary Meshack,Dodoma

MAHAKAMA ya Rufani ya Tanzania inayoendelea na vikao vyake kanda ya Dodoma , imesikiliza mashauri  12 tangu ilipoanza Februari 26, mwaka huu.

Naibu Msajili wa mahakama hiyo, Eddie Fussi akizungumza leo na wanahabari mjini hapa, amesema mashauri mengine mawili ya jinai na moja la rufaa ya madai yanatarajiwa kusikilizwa kesho.

Fussi amebainisha mashauri hayo yaliyokwisha sikilizwa kuwa ni manane ya rufaa za jinai, mawili ya rufaa za madai na mengine mawili ya rufaa za maombi.

Kwa mujibu wa Fussi  mashauri yote yaliyosikilizwa yamepangiwa tarehe ya kutolewa hukumu na yaliyobaki yanaendelea kusikilizwa katika vikao hivyo vinavyotarajiwa kutamatishwa mwezi huu (Machi).