Monday, 19 March 2018

Trump aonywa asivuruge uchunguzi wa Mueller


Donald Trump
RAIS Donald Trump ameonywa na wanachama wa chama chake cha Republican kuacha kuingilia uchunguzi maalumu kuhusu Urusi kuingilia uchaguzi wa Marekani uliopita.
Hatua hiyo ya wanachama wa Republican inakuja baada ya rais Trump kumshambulia Mueller, kuhusiana na uchunguzi dhidi ya Urusi kudaiwa kuingilia uchaguzi wa mwaka 2016.
Ktika ukurasa wake wa Twitter mwishoni mwa juma,Trump alirejea kutoa utetezi wake amesisitiza kuwa hakukuwa na uhusiano wowote kati ya timu yake ya kampeni na Urusi na kusema kuwa hiyo ni vita binafsi inayoshabikiwa na Democrats.
Mueller,ambaye ni mkuu wa zamani wa FBI, anaungwa mkono na Republican kuendelea na uchunguzi wake bila kuingiliwa.
Senata Lindsey Graham amesema Trump asijaribu kuchukua hatua yoyote dhidi ya Mueller ikiwemo kujaribu kumfuta kazi.
“Akijaribu kufanya hivyo, itakuwa mwanzo wa mwisho wa madaraka yake, sababu sisi ni taifa la kufuata sheria,” amesema Graham.

Chanzo: BBC

No comments:

Post a Comment