Advertisement

Advertisement

.

.

Mixer

Mixer

Wednesday, 7 March 2018

Trump ashuka orodha ya matajiri duniani 2018


Rais wa Marekani, Donald Trump
RAIS wa Marekani, Donald Trump ameshuka nafasi 222 katika orodha ya kila mwaka ya watu tajiri zaidi duniani ambayo hutolewa na jarida la Forbes.
Mali yake imeshuka thamani kutoka dola za Marekani bilioni 3.5 (£2.5bn) hadi bilioni 3.1. Jarida hilo limesema kushuka kwa utajiri wa Trump kumetokana zaidi na kushuka kwa thamani ya nyumba na vipande vya ardhi New York na pia kushuka kwa mapato kutoka kwenye  viwanja vyake vya kuchezewa mchezo wa gofu.
Anayeongoza orodha ya matajiri wa kupindukia ni mmiliki wa kampuni ya Amazon, Jeff Bezos. Utajiri wa Bezos umepanda na kufikia dola bilioni 112 kutoka takriban bilioni 39.2 mwaka uliopita.
Kuimarika kwa utajiri wa Bezos ndiko kwa juu zaidi katika historia. Amemuondoa mwanzilishi wa Microsoft Bill Gates kutoka uongozini kwenye orodha hiyo.
Utajiri wa Gates unakadiriwa kuwa dola bilioni 90 mwaka huu kutoka bilioni 86, na ndiye anayeshikilia nafasi ya pili.
Gates ameongoza orodha hiyo kwa miaka 18 kati ya miaka 24 iliyopita. Forbes wanasema kuna mabilionea 2,208 (kwa kutumia dola za Marekani) ambao walishirikishwa katika orodha ya 32 ya kila mwaka ya jarida hilo.
Matajiri hao kwa pamoja wana utajiri wa dola za Marekani $9.1 milioni.
Miongoni mwao, kuna mabilionea 259 wapya ambao walijipatia utajiri wao kutoka katika biashara za aina nyingi zikiwemo nguo za harusi, wanasesere wa kuchezewa na watoto na magari yanayotumia umeme.
Mwekezaji Mmarekani Warren Buffett ndiye wa tatu utajiri wake ukiwa $84bn. Utajiri wake umepanda kutoka $75.6bn mwaka uliotangulia.
mtu tajiri zaidi Ulaya ndiye wa nne kwenye orodha hiyo, ambaye ni mmiliki wa kampuni ya bidhaa za kifahari ya LVMH, Bernard Arnault, ambaye utajiri wake ni $72bn.

'Kupanua pengo'
Marekani ndiyo nchi iliyo na mabilionea wengi duniani, ambapo ina mabilionea 585, ikifuatwa na China. Jimbo la California pekee lina mabilionea 144, zaidi kushinda mataifa yote isipokuwa Marekani na China.
Ujerumani ndiyo nchi inayoongoza Ulaya ikiwa na mabilionea 123.
India ina mabilionea 119 nayo Urusi mabilionea 102.
Kuna mabilionea 53 kutoka Uingereza kwa mujibu wa Forbes na idadi hiyo imeshuka kutoka 54 mwaka 2017.
Luisa Kroll na Kerry Dolan kutoka kwa Forbes Media anasema: "Watu matajiri kupindukia wanazidi kupanua mwanya kati yao wenyewe na pia kati yao na watu wengine."
Orodha ya mabilionea ya Forbes inatumia takwimu za kufikia Februari 9, 2018.
Jarida hilo hutumia bei ya soko la hisa na ubadilishanaji wa fedha za kigeni ya siku hiyo kutoka kila pembe duniani kuandaa orodha hiyo.
Chanzo: BBC



No comments:

Post a Comment