Advertisement

Advertisement

.

.

Mixer

Mixer

Tuesday, 6 March 2018

Wachungaji sita makanisa yaliyofungwa wakamatwa


Rais wa Rwanda, Paul Kagame.

POLISI nchini Rwanda imetangaza kuwatia kizuizini wachungaji sita na viongozi wa kiroho kutoka kwenye baadhi ya makanisa yaliyofungwa kwa amri ya serikali ya nchi hiyo.
Wiki iliyopita serikali iliamrisha kufungwa makanisa zaidi ya 700 kwa madai ya kutotimiza kanuni za ujenzi wake.
Miongoni mwa waliokamatwa ni kasisi, Askofu Innocent Rugagi, kiongozi wa kanisa la "Abacunguwe" ambaye ni mojawapo ya wachungaji mashuhuri nchini Rwanda.
Polisi inawashutumu kwa kufanya mikutano ya siri kukaidi uamuzi wa serikali. Ni hivi karibuni serikali iliyapiga marufuku makanisa zaidi ya 700 kwa kukosa miundo mbinu msingi na yalituhumiwa kusababisha kelele nyingi .
Askofu Rugagi alisikika akishutumu kile alichokitaja kuwa uamuzi wa ghafla kuyafunga makanisa bila ya ilani ya kutosha.
Wachungaji hao wamekamatwa baada ya Pais Paul Kagame wiki iliyopita kushutumu wazi kile alichokitaja kuwa ni idadi kubwa ya makanisa haramu nchini.
Kiongozi huyo aliuliza iwapo makanisa hayo uwepo wake una manufaa. Ameendelea kusema yanasababisha tishio kwa usalama. Makanisa 700 yamefungwa, mengi yakiwa madogo madogo yaliyoanzishwa hivi karibuni.
Kulingana na bodi ya taifa hilo inayohusika na uongozi, makanisa yanatakiwa kufuata taratibu za ujenzi wenye miundo msingi stahiki na shahada ya elimu ya theolojia kwa wachungaji.
Rwanda inajadili sheria mpya ambayo itahusu mashirika yenye misingi ya imani na dini yanayo endeshwa na wahubiri kuwa wahubiri hao lazima wawe na shahada za elimu ya theolojia. Kwa sasa polisi wanasema bado wanafanya uchunguzi wa kina.

No comments:

Post a Comment