Advertisement

Advertisement

.

.

Mixer

Mixer

Tuesday, 10 April 2018

Giti eneo pekee Rwanda ambalo halikuathirika na mauji ya kimbari



Wakazi wa eneo la Giti

RWANDA, inaadhimisha miaka 24 tangu yafanyike mauaji ya kimbari ambayo yaliathiri maeneo yote isipokuwa wilaya moja  ya Giti iliyoko Kaskazini Mashariki mwa nchi hiyo.
Wilaya hiyo pekee ilinusurika katika janga hilo baya kabisa kuikumba nchi hiyo, ni mshikamano baina ya wananchi na uongozi uliosimama na kupinga kila aina ya uonevu. Mwandishi wa BBC Yves Bucyana alitembelea na kuzungumza na wenyeji wa eneo hilo
Mmoja wao Fidele Ntabana anasema aliwekwa kizuizini kwa tuhuma za kuwa jasusi wa RPF lakini wananchi wa eneo hilo walilindana.
"Wahutu wa eneo hilo walikuwa watu wazuri japo naweza kusema kwamba si wote kwa asilimia 100 lakini wengi hawakuwa na mpango wowote mbaya wa kuua watutsi.Familia yangu yote hakuna hata mmoja aliyeguswa.'' Amesema Ntabana.
Watutsi kwa wahutu wanamsifu aliyekuwa kiongozi wao nyakati hizo, kunyima fursa propaganda za chuki na mauaji.
Mwenyeji mwingine, Andre Bisamaza anasema watu wabaya walikosa fursa ya kueneza propaganda ya mauaji.
Anaongeza "Mara kadhaa wanamgambo wa Interahamwe walitumwa kutekeleza mauaji katika eneo hili lakini yeye na askari jeshi na polisi aliokuwa nao walilazimika kuingilia kati na kuwafukuza wanamgambo hao''
Aliyekuwa kiongozi wa wilaya hii ya zamani ya Giti Sebushumba Edouard sasa ni mzee aliyestaafu.
Mwandishi wa BBC Yves Bucyana alimkuta akisimamia shughuli za ukataji miti katika shamba lake.
Je ni siri gani aliyoitumia kuwaunganisha watu na kuhakikisha hakukuwa na mauaji katika eneo alililokuwa akiliongoza?
Edouard anasema 'Kilichonisaidia ni desturi yangu kama kiongozi wakati huo ya kupinga uonevu ambayo pia niliijenga miongoni mwa wananchi wangu."
"Pia nilikuwa mtu asiyevumilia machafuko ya aina yoyote na kuadhibu wenye makosa. Kadhalika mimi na wasaidizi wangu tulikuwa tunaelewana kwa kauli moja.Ningelipata shida kubwa tusingekuwa na kauli moja.Ni wazi kwamba wananchi hawangeamua wenyewe kuua watutsi bila viongozi kuunga mkono vitendo hivyo'' anasema Edouard
Mwaka 1996 kiongozi huyo mstaafu alikuwa miongoni mwa wengine wengi waliotunukiwa medali za heshima kutokana na juhudi zao za kulinda raia wakati wa mauaji ya kimbari dhidi ya Watutsi.
Chanzo:BBC

No comments:

Post a Comment