Advertisement

Advertisement

.

.

Mixer

Mixer

Saturday, 28 April 2018

Mwenyekiti Bavicha Mbeya adaiwa kutiwa mbaroni na polisi


George Titho

Mwandishi Wetu, Mbeya

MWENYEKITI wa Baraza la Vijana la Chadema (Bavicha), mkoa wa Mbeya, George Titho amekamatwa na polisi usiku wa manane nyumbani kwake katika kijiji cha Kyimo wilayani Rungwe.

Hata hivyo, Kamanda wa Polisi mkoa wa Mbeya, Mussa Taibu alipoulizwa  kuhusu kukamatwa kiongozi huyo, amesema hana taarifa.

"Sina taarifa hizo, labda nifuatilie lakini jua tu kwamba hali Mbeya ni shwari," amesema Kamanda Taibu. Katibu wa Chadema mkoa wa Mbeya, Boid Mwabulanga amesema Titho alikamatwa usiku wa kuamkia Aprili 26, 2018.

Mwabulanga amesema hawajaambiwa sababu za kukamatwa kwa Titho na jitihada za kumwekea dhamana zimegonga mwamba.

"Walikwenda nyumbani kwake saa 8 usiku na kuvunja mlango, wakachukua simu zake kisha wakamchukua kwenda naye kituo cha polisi Tukuyu. Tumekwenda kumwekea dhamana lakini wamekataa,” amesema.

No comments:

Post a Comment